Qendra e ndihmës
Pyetjet që recepsioni i bën më shpesh
Tetë përgjigje që mbulojnë shumicën e asaj që arrin te ekipi ynë i mbështetjes. Secilën prej tyre recepsionisti mund ta bëjë pa thirrur askënd.
Mbështetja është aty shtatë ditë në javë, me email ose brenda aplikacionit.
Pyetjet e shpeshta
Menaxhimi, kanalet dhe pagesat
Nëse përgjigjja që të duhet nuk është këtu, shkruaji ekipit tonë të mbështetjes dhe do të të përgjigjet një njeri.
Një rezervim nga Booking.com nuk më ka ardhur. Çka duhet të kontrolloj së pari?
Kontrollo nëse lloji i dhomës dhe plani i çmimeve janë ende të lidhur në menaxherin e kanaleve (channel manager). Zakonisht shkaku është një lloj dhome që u riemërtua në Booking.com dhe duhet lidhur sërish. Nëse gjithçka duket në rregull, shkruaji ekipit tonë të mbështetjes dhe e shikojmë bashkë.
Si t'ia ndërroj dhomën mysafirit pasi ka bërë check-in?
Tërhiq rezervimin te dhoma e re në kalendarin e rezervimeve, ose hap rezervimin dhe zgjidh një dhomë tjetër. Lista e dhomave tregon cilat janë të pastra e cilat të papastra, që ta çosh mysafirin në një dhomë që është gati.
Kartela e mysafirit u refuzua. Çka ndodh tani?
Dërgoji mysafirit një link pagese me email, që të paguajë me një kartelë tjetër. Rezervimi nuk anulohet automatikisht. Shuma e papaguar mbetet në faturën e tij dhe në raportin e saldove të mysafirëve. Derisa të paguhet, mund ta bllokosh edhe check-out-in.
Si ta mbyll një dhomë për mirëmbajtje?
Krijo në atë dhomë një rezervim me statusin Out of order (jashtë funksionit), për datat kur është e mbyllur. Dhoma bllokohet për ato data, dhe dhomat e lira përditësohen në kohë reale në çdo kanal.
A mund ta ndryshoj çmimin vetëm për një natë?
Po. Hap kalendarin e çmimeve, zgjidh llojin e dhomës dhe planin e çmimeve, dhe cakto shumën për atë natë. Në të njëjtat data mund të caktosh edhe qëndrimin minimal, mbylljen për ardhje dhe mbylljen për largim.
Si t'i eksportoj të dhënat për kontabilistin tim?
Hap raportet dhe zgjidh atë që të duhet, si pagesat, tatimet ose përmbledhjen e librit kryesor. Cakto periudhën, pastaj eksportoje si CSV ose PDF, ose shtype.
Si ta shtoj dikë të ri në staf?
Ftoje me email dhe zgjidh një rol: pronar, punonjës ose pastrues. Pastaj vendos ti çka i lejohet secilit të shohë dhe të bëjë.
Po nëse bie interneti në objekt?
thelobbyboy punon në shfletues, prandaj i duhet internet. Mjafton një hotspot nga telefoni që recepsioni të vazhdojë punën derisa të kthehet interneti.