Sistemi i menaxhimit të hotelit: thelobbyboy

Imagjino një sistem menaxhimi të ndërtuar sipas mënyrës si punon vërtet objekti yt. Merret me rezervimet nga disa kanale, tregon cilat dhoma janë të lira, i mban çmimet për çdo sezon dhe për qëndrime më të gjata, të lejon të marrësh dhe të ndryshosh rezervime, mbledh pagesat dhe i mban mysafirët të informuar para, gjatë dhe pas qëndrimit.

Ky është sistemi që thelobbyboy synoi të bëhej. E ndërtoi një hotelier, me problemet e pronarëve dhe menaxherëve të vërtetë para syve që nga dita e parë.

Si kaluan rezervimet online

Shumica e mysafirëve sot e kërkojnë vendin ku do të qëndrojnë online. Krahasojnë sipas lokacionit dhe datave dhe rezervojnë vetë, jo përmes një agjencie udhëtimi. Kjo kërkon më shumë nga ata që drejtojnë një objekt: duhet ta njohin mirë teknologjinë, ta promovojnë veten vazhdimisht dhe prapë të ofrojnë një qëndrim që ia vlen të rekomandohet.

Rezervimet online nuk janë diçka e re. Por për një kohë të gjatë, mjetet pas tyre ishin në duart e faqeve të mëdha të rezervimeve dhe të grupeve hoteliere, që kishin paratë dhe ekipet e IT-së për t'i ndërtuar. Si shumica e softuerëve, edhe këto mjete u bënë më të përballueshme sa më shumë u rrit konkurrenca, dhe kjo i barazoi kushtet.

Sot hotelet e vogla, hotelet butik, hostelet dhe pronarët individualë i përdorin si gjë të zakonshme, sidomos sepse mysafirët, pronarët dhe stafi e kalojnë kaq shumë kohë të ditës online.

Nga letra në cloud

Sistemet e para të rezervimeve në objektet më të vogla, në letër ose në një kompjuter të vetëm në zyrë, ishin të vështira për t'u përdorur. Mbanin pak më shumë se emrin e mysafirit, adresën e shtëpisë, dhomën dhe kohën e pritur të ardhjes dhe të largimit.

Kjo mjaftonte kur mysafirët vinin përmes televizionit, radios, gazetave, revistave, letrave, telefonatave ose pa rezervim fare. Interneti e ndryshoi mënyrën si punon pothuajse çdo biznes. Udhëtimet dhe akomodimi ishin ndër sektorët e parë që u promovuan online, dhe kjo e shtyu kërkesën për sisteme më të mira.

Hotelierët dhe pronarët e tjerë u përshtatën, dhe sistemet e menaxhimit si thelobbyboy janë pjesë e këtij ndryshimi. E mbledhin punën e ditës në një vend, i lidhin mjetet që përdor objekti dhe ia bëjnë qëndrimin më të lehtë mysafirit.

Çka është thelobbyboy

thelobbyboy është softuer në cloud, ku sistemi i menaxhimit të hotelit (PMS) dhe menaxheri i kanaleve (channel manager) punojnë si një. Është menduar për ta bërë ditën më të lehtë për ata që drejtojnë objektin, dhe për mysafirët e tyre.

Punon për shumë lloje objektesh, ndër to:

• Hotele, të vogla dhe të mëdha
• Hotele butik
• Hostele
• B&B dhe bujtina
• Apartamente dhe vila
• Grupe objektesh që drejtohen nga një llogari

Çka përfshin

• I përshtatur për telefon: punon në çdo telefon, tablet ose laptop, pa shkarkuar asgjë.
• Në cloud: ekipi yt kyçet nga kudo, në çdo kohë.
• Agjenda e ditës: ardhjet, largimet dhe pagesat e papaguara të ditës në një pamje.
• Menaxhimi i objektit dhe i kanaleve në një: çmimet dhe dhomat e lira mbahen në sinkron me OTA-të.
• Shërbime shtesë: mëngjesi, larja e rrobave, pijet dhe transferet shiten në recepsion dhe shtohen në faturën e mysafirit.
• Shumë përdorues: çdo anëtar i stafit ka kyçjen e vet, me rol dhe të drejta sipas punës.
• Shumë objekte: kalo nga një lokacion te tjetri brenda një llogarie.
• Kalendar i përbashkët: ndaji dhomat mes objekteve që drejton.
• Kalendari i rezervimeve: tërhiqe një rezervim për ta zhvendosur, për ta ndërruar dhomën ose për ta zgjatur qëndrimin.
• Konfigurim i lehtë i dhomave: dhomat, planet e çmimeve dhe kanalet t'i konfiguron ekipi ynë.

I përshtatur për telefon

Gjithnjë e më shumë udhëtarë e kërkojnë akomodimin nga telefoni ose tableti, dhe shumë prej tyre rezervojnë nga e njëjta pajisje. Motori i rezervimeve i thelobbyboy u ofron një rezervim që përfundohet lehtë nga telefoni.

Edhe ekipi yt punon njësoj. Recepsioni e zhvendos një rezervim ose e ndërron dhomën nga telefoni, ndërsa pastruesit nga telefonat e tyre ndryshojnë statusin e dhomës, shënojnë artikujt e minibarit dhe raportojnë defektet.

Në cloud

Meqë thelobbyboy punon në cloud, e hap nga kudo dhe në çdo kohë, ti apo kushdo nga ekipi yt, pa instaluar asgjë.

Agjenda e ditës

Agjenda e ditës ta tregon me një shikim si qëndron dita: kush po vjen, kush po largohet, kush vazhdon qëndrimin dhe cilat pagesa janë ende të papaguara, që ekipi të jetë gati shumë para orës së check-in.